Ньурба улууһун Баһылыга А.М. Иннокентьев оскуолалар лидер уонна активист оҕолорун кытта сотору- сотору көрсөн кэпсэтэр үтүө үгэстээх. Бу да сырыыга көрсүһүү А.Н. Чусовскай аатынан Ньурбатааҕы техлицей актовай залыгар истиҥник ааста: Ст. Васильев аатынан Ньурба элбэх хайысхалаах гимназия, М.С.Егоров аатынан Ньурба №2, А.Н. Чусовскай аатынан Ньурбатааҕы техлицей, Ньурба № 3, Убайаан, Н.Н. Чусовской аатынан Антоновка, С.С.Сюльскай аатынан Сүлэ, Ньурбачаан, Алексеев аатынан Дьиикимдэ , С.П.Алексеев-Боһуут аатынан Чаппанда, В.Н. Иванов аатынан Дьаархан, П.С Егоров аатынан Акана оскуолаларын лидер уонна активист оҕолоро кытыннылар.
Баһылыгы кытта Үөрэх Управлениетын начальнига Ф.Ф.Ушканов сылдьыста.
Алексей Михайлович мустубут оҕолорго улууска туох үлэ бара турарын, ханнык проблема баарын ону туоратарга хайдах үлэ барарын, улуус ханнык специалистарга наадыйарын, оҕолор нники профессияларын ким эрэ эппитинэн буолбакка, сүрэхтэрэ- баҕалара тугу этэринэн өйдөөн туран үөрэниэхтээхтэрин, патриотизм туохтан саҕаланарын кэпсээтэ. Оннооҕор омук телефоннарыгар, чуолаан айфоннары наһаа туттубаттарыгар, виртуальнай оонньууларынан наһаа үлүһүйбэттэригэр сүбэлээтэ.
Оҕолор болҕомтолоохтук истэн баран баһылыкка боппуруостары биэрдилэр:
-Сүлэҕэ таһырдьа эти-хааны эрчийэргэ спортивнай площадка тутуллара наадатын
-Оҕолорго куоракка баар “ Сосновай бор” курдук стационарнай лааҕыр тутуллуон баҕаралларын
— Ильмень күөлгэ буолбут кыргыһыыга сураҕа суох сүппүт 19 бригада дьонун көрдөөһүҥҥэ НТЛ оҕолоро поисковай үлэни миэстэтигэр баран саҕалаары гыналларыгар көмө наадатын
-Аканаҕа сайыҥҥы кэмҥэ “Аҕа, уол оҕо» проект оҥорон лааҕыр аһыахтарын баҕаралларын
-Ньурба улууһугар лыжнай база оҥоһуллара наадатын
-Улууска эдэр специалистары өйүүр туох программалар баалларын уо.да боппуруостары биэрбиттэрин баһылык барытыгар сиһилии эппиэттээтэ.
Түмүккэ Алексей Михайлович оҕолорго көрсүһүүгэ кэлбиттэрин иһин махтанна уонна билигин өйдөөх -билиилээх дьон наадаларын, конкурентно способнай дьон буолалларыгар , личность быһыытынан сүрэххит , баҕаҕыт ханна сытарынан сайдан-үүнэн иһэллэригэр баҕарарын биллэрдэ
