«Лидер-2022» оройуон лидер оҕолорун күрэҕэ
«Дьулус» Оҕо түмсүүтэ (салайааччы Соркомова А.П) Акана П.С.Егоров аатынан орто оскуолатын базатыгар «Лидер-2022» оройуоннааҕы конкурс тэрийэн ыытта. Ньурбатааҕы техническай лицей, Убайаан, Антоновка, Сүлэ, Дьаархан, Өҥөлдьө, Акана орто оскуолаларын президеннэрэ бэйэлэрин хамаандаларын кытта кэлэн куоталастылар: “Видеоролик “Я и моя команда”, “От идеи до реализации проекта”, “Пионерия в моей жизни”, «Диспут». Оҕолор сүрдээҕин аһыллан туран кытыннылар, лидер оҕо хайдах хаачыстыбалаах буолуохтааҕын, командатын кытта үлэтин хайдах ыытыахтааҕын барытын ырытыстылар. Анна Прокопьевна олус үчүгэйдик бары түһүмэхтэри ырытан, олох кыайа тутан ыыппыта оҕолорго эрэ буолбакка эдэр саҥа саҕалаан эрэр педагогтарга эмиэ көмөлөөх буолла.
Бу тэрээһиҥҥэ улууспут Аҕа баһылыга Иннокентьев А.М уонна нэһилиэгэр оҕо хамсааһынын улаханнык өйүүр “Лучший Глава” диэн номинация хаһаайына Семенов Е.М кэлэн кыттыыны ылан, оҕолору кытта атах тэпсэн олорон сэһэргэһэн, кэпсэтэн барбыттара оҕолорго эмиэ биир бэлиэ түгэн буолбута саарбаҕа суох.
Түмүккэ «Лидер-2022» аатын Акана орто оскуолатын президенэ, лидер Николаева Женя ылла.
Өр кэмҥэ оҕолор сирэй көрсүспэккэ сылдьан баран көрсөн астынан, дуоһуйан бардылар. Ылбыт билиилэрин салгыы үөрэнэр оскуолаларыгар туһаныахтара, лидердэр бэйэлэрин тула элбэх оҕону түмүөхтэрэ диэн эрэнэбит.
Кэлэр барар айаммытыгар автобуһунан хааччыйбыт Үөрэх Управлениетыгар, Сүлэ оро оскуолатын директорыгар И.Г.Тобоновка улахан махталбытын тиэрдэбит.
Акана орто оскуолатын коллективыгар, чуолаан “Дьулус” Оҕо түмсүүтүн тпедагог-организаторыгар Соркомова А.П ситиһиилэри , өссө үрдүк үрдэллэри баҕарабыт.
“Ньурба эрэлэ” оройуоннааҕы Оҕо түмсүүтүн педагог-организатора, Ньурба оройуонугар оҕо хамсааһынын сүрүннүүр куратор В.Я.Давыдова, 28.03.22
