Бу тэрээһини “Айар үлэ уонна инновационнай киин” методиһа Лена Васильеавна Андреева уонна педагогтара: Захаров Дьип Павлович, Потапов Аскалон Александрович уонна Андреева Валерия Владимировна иилээн-саҕалаан ыыттылар. Бу тэрээһин эбии үөрэхтээһин киинигэр өр сылларга үлэлээбит педагог-ветеран Семенов Николай Дмитриевич уонна авиация ветерана Тихонов Михаил Афанасьевич сырдык кэриэстэригэр анаан ыытылынна.

Бу тэрээһин күрэх быьыытынан ааста. Барыта холбоон бу курэх 20 тахса кыттааччыны түмтэ: Ст.Васильев аатынан элбэх хайысхалаах гимназия аатыттан Егоров Александр Валентинович салайааччылаах авиационнай хайысхалаах кылаас үөрэнээччилэрэ, Н. Н. Чусовскай аатынан Антоновка оскуолата Кучуров Николай Егорович салайааччылаах 7, 8, 9 , 10 кылаастарын үөрэнээччилэрэ, С.И. Алексеев аатынан Дьиикимдэ оскуолатын аатыттан Павлов Владимир Никандрович салайааччылаах 9 кылаас үөрэнээччитэ Саввинов Саймон; С.С. Потапов аатынан Убайаан орто оскуолатын аатыттан Потапова Нюргуяна Дмитриевна салачааччылаах «ТУТ — АЙ» куруһуок иитиилээчилэрэ 7 кылаас үөрэнээччилэрэ , Айар үлэ уонна инновационнай технология киинин аатыттан Андреева Лена Васильевна салайааччылаах Ньурба иккис номердаах 5 кылааһын үөрэнээччитэ Васильев Николай уонна Ньурба иккис номердаах оскуолатын аатыттан Николаев Ярослав Ильич салайааччылаах 2 кылаас үөрэнээччитэ Николаев Иван кытыннылар.

О5олор икки коруннэ ракетаны котуттулэр, S-3А парашютнай уонна S-6А ленточнай көрүнүнэн күрэхтэстилэр. Барыта холбоон 30 ракета халлаанна күөрэйдилэр.

“Пять, четыре, три, два, один — поехали!” ракета үөһээ халлаан диэки куйааран көтө турда, ону кытта мустубут оҕолор үөрбүт хаһыылара, соһуйбут сирэйдэрэ, үөрүү-көтүү сүпсүлгэнинэн туола түстэ.