Ньурба улахан делегацията Санкт-Петербург куоракка кэлэн кэрэ историческай миэстэлэринэн экскурсияларга сырыттылар. Ол курдук Улуу Нева өрүһү,муостаны,»Аврора»  крейсеры, Петр l  ыраахтааҕы туһунан элбэҕи биллилэр, эт харахтарынан көрдүлэр, Питер устун обзорнай экскурсияҕа сылдьан, араас памятниктары  сэҥээрэн көрдүлэр, үйэлэргэ хаалларан хаартыскаҕа түстүлэр. Екатерина ыраахтааҕы Дыбарыаһын олус сөҕө-махтайа көрдүбүт. Уолаттарбыт сахалыы камзол кэтэ сылдьыбыттарын  олох атын харахтарынан музей үлэһиттэрэ, атын да дьон сэҥээрэ, убаастыы көрдүлэр.Маннык таҥастаах оҕолору аан бастакыбытын көрөбүт диэтилэр.Биир умнуллубат түгэнинэн оҕолорго Питерленд оттон улахан дьоҥҥо аатырбыт Мааринскай театрга «Зори здесь тихие» операҕа сылдьыы буолла. Свободнай бириэмэҕэ шопиннаан да ыллыбыт.

Бу сырыы оҕолорго олус туһалаах буолара чуолкай. Элбэхтик киэҥ сиргэ сылдьар киһи өй-санаа да өттүнэн сайдар, баҕар кэлин оҕолорбут Санкт-Петербурга кэлэн араас үөрэхтэргэ үөрэнэн сөбүлүүр идэлэрин баһылаан төрөөбүт дойдуларыгар наадалаах, туһалаах дьон буолан туруохтара.

                                                   Валентина Давыдова